El presidente ecuatorianu, Rafael Correa, elevó a 350 el númberu de muertos pol terremotu que solmenó na nueche del sábadu la costa norte d'Ecuador.
Correa treslladó la nueva cifra de finaos a un periodista de Reuters mientres la so visita a la ciudá de Portoviejo, una de les más afectaes pol seísmu. El mesmu Correa alvirtió que'l númberu de muertos tovía podría aumentar.
El seísmu, que tendría casi un minutu de duración, tuvo'l so epicentru na costa d'Esmeraldas, concretamente cerca de la población de Muisne, nel norte d'Ecuador, anque tamién se llegó a notar de manera importante na capital, Quitu, y na ciudá de Guayaquil, la segunda mayor del país. L'epicentru alcontróse a 170 kilómetros al norte-noroeste de Quitu.
Correa robló yá un decretu "d'escepción y movilización nacional" pol que s'activen llinies de creitu de continxencies con multillaterales. Amás trabayen na zona afectada rescatistes ecuatorianos y empiecen yá a llegar efectivos estranxeros.
Dejar un comentario
Acceder al formulario de comentarios de la comunidad