Cerca de 30.000 persones, ente elles más de 250 estaounidenses, abandonaron los sos países pa unise a los grupos yihadistes que lluchen en Siria ya Iraq, en munchos casos a Estáu Islámicu, según un estudiu del Congresu estaounidense publicáu esti martes.
L'estudiu de seis meses realizáu por republicanos y demócrates de la comisión de Seguridad Interior de la Cámara de Representantes denunció que'l Gobiernu d'Estaos Uníos nun tien una estratexa pa combatir tales viaxes y reclamó midíes, incluyíu un meyor sistema pa combatir información, dientro del país y con otros países.
La cifra de 30.000 dobla'l total estimáu de tales combatientes va un añu, cuando les autoridaes dixeron qu'unos cien estaounidenses uniérense o intentaren unise a la llucha en Siria ya Iraq.
Delles decenes de milicianos tornaron de vuelta a Estaos Uníos, según l'estudiu. "Tamos atestiguando la mayor converxencia global de yihadistes na historia", sorraya l'informe.
L'estudiu detectó que les autoridaes nun llograron frenar a la mayoría de los estaounidenses que viaxaron a unise a conflictos nel estranxeru. Tamién detectó que se ta dando poca asistencia a les comunidaes llocales cola capacidá pa detectar señales d'alarma.
Coles mesmes, l'estudiu critica a otros gobiernos, particularmente n'Europa, por nun adoptar midíes como contrastar la identidá de los viaxeros coles llistes de vixilancia terrorista o intentar identificar los pasaportes falsificaos.
Foto: Reuters.
Dejar un comentario
Acceder al formulario de comentarios de la comunidad