El partíu lideráu por Pablo Iglesias sigue defendiendo que reconocer el derechu a decidir en Cataluña y la celebración d'un referendu ye la meyor opción de les qu'hai sobre la mesa pa desatrabancar la situación en Cataluña, magar ye consciente de qu'esta negociación requier de más tiempu, según la implicación de les fuerces catalanes.

Por ello, nesta nueva fase de negociaciones va proponer crear un espaciu de diálogu en Cataluña, protagonizáu poles fuerces catalanes, que se desarrolle de manera paralela a les conversaciones pa formar gobiernu, pero que sin que seya precisu esperar a que d'esa mesa salga un acuerdu zarráu pa sellar la formación d'Executivu.

Yá na recta final de les negociaciones posteriores a los comicios d'avientu Podemos propunxo sacar el referendu de les negociaciones de gobiernu y abrir un espaciu de diálogu ente'l líder de la confluencia catalana En Comú Podem, Xavi Domènech, y el del PSC, Miquel Iceta, pa que fueren ellos los que buscaren una solución de consensu.

Sicasí, nun supunxo nenguna meyora nes negociaciones col PSOE, que siguió calteniendo en vigor l'acuerdu con Ciudadanos que Podemos refugaba. Amás, el partíu de Pedro Sánchez sigue refugando dafechu abrir cualquier diálogu qu'implique estudiar la propuesta del partíu moráu de celebrar un referendu en Cataluña.