Cangas.-Laura Marcos Domínguez, col cuento tituláu “Abril, xunetu”, ya Julio González Rodríguez, pol cuentu “Nara, un viaxe nel tiempo” son los ganadores del X Concursu de cuentos curtios organizáu pol Conceyu de Cangas del Narcea.

“Abril, xunetu”, el cuentu de la mierense Laura Marcos, participaba na categoría d’asturianu estándar. Trátase d’un cuentu en formatu epistolar basáu nuna historia rial tresmitida a l’autora por un descendiente de los protagonistas ya ta ambientáu na Segunda Guerra Mundial. Nél, l’antisemitismu ya las tribulaciones d’una probe xudía emigrada en Francia que pasóu por un campu de concentración son piezas fundamentales.

El cuentu de Julio González, “Nara, un viaxe nel tiempo”, yá una historia ente fantástica ya mítica que fai un repasu pol orixen del nome del pueblu del autor, Naraval, en Tinéu, trespasando las fronteras del tiempu ya l'espaciu. Julio González escribíu’l cuentu n’asturianu occidental ya yá’l ganador d’esta categoría.

La entrega de premios vei celebrase durante la conmemoración añal de la Sumana de las L.letras Asturianas en mayu. El Conceyu de Cangas del Narcea organizará un actu públicu nel que se fairá una lectura de los cuentos galardonaos.