Actividá dirixida al públicu más mozo y dientro del compromisu del Conceyu cola normalización llingüística
El próximu 26 de mayu, la Estaya de la Llingua del Conceyu d'Avilés entama la última sesión del taller d'indumentaria tradicional "Traxinando n'Avilés". Va ser a les 17.30 na biblioteca del Centru Sociocultural de Los Canapés.
Trátase de la última parada d'esti taller d'indumentaria tradicional. Ye una actividá de baldre dirixida a neños y neñes de 5 a 10 años na que Susana Sela va ser la encargada de llevalos alantre.
¿Cómo se vistíen homes y muyeres enantes? Con cuentos, mariquites y pintures va respondese a esta pregunta y va facese un percorríu pela historia del nuestru traxe tradicional.
Pa esti taller hai 20 places disponibles y ye necesario apuntase enantes nes biblioteques de cada centru nel horariu avezáu.
Dejar un comentario
Acceder al formulario de comentarios de la comunidad