El presidente saliente de la FIFA, Joseph Blatter, resultó suspendíu del so cargu de manera provisional mientres un periodu de 90 díes, tal como decidió'l Comité d'Ética de la entidá, según informa la BBC.
Blatter, qu'ostenta'l cargu dende 1998, anunció agora poco que diba ser presidente hasta'l próximu 26 de febreru, fecha de celebración del congresu de la FIFA.
El Comité d'Ética decidiría estremar a Blatter tres les últimes noticies rellacionaes cola investigación al dirixente, que sigue nel puntu de mira de les autoridaes suices.
Esti mesmu miércoles, Blatter aseguró que tán "condenándolu sin nenguna evidencia de males práctiques". "La situación nun ye prestosa, esto ye realmente indignante", dixo al selmanariu alemán 'Bunte'.
Foto: RUBEN SPRICH / REUTERS
Dejar un comentario
Acceder al formulario de comentarios de la comunidad