La economía española avanzó un 1,4% nel conxuntu del 2014, el so primer repique tres seis años sin crecimientos significativos, dempués de que nel últimu trimestre del exerciciu subiera un 0,7%, dos décimes más de lo que lo fizo nel trimestre anterior, gracies al consumu y la inversión, según la Contabilidá Nacional Trimestral publicada esti xueves pol Institutu Nacional d'Estadística (INE).
La tasa interañal, pela so parte, quedó nel 2% nel cuartu trimestre del 2014, cuatro décimes más que nel trimestre anterior, acelerando la trayectoria de recuperación qu'entamó na segunda metá del 2013.
El crecimientu del 1,4% confirmáu esti xueves por Estadística pal conxuntu del 2014 coincide col previstu pol Bancu d'España y col esperáu pol Gobiernu, magar que la so previsión oficial yera crecer un 1,3%.
La economía española tornó asina a terrenu positivo nel 2014 dempués de contrayer un 1,2% nel 2013, un 2,1% nel 2012 y un 0,6% nel 2011. Nel 2010, el PIB malpenes rexistró un crecimientu del 0,0138%, mientres que nel 2009 reculó un 3,6%, según la nueva serie de la Contabilidá Nacional en base 2010.
Col repique trimestral del PIB d'ochobre-avientu del 2014 encadénense yá seis trimestres de meyores, mientres que la tasa interañal (2% nel cuartu trimestre) atropa cinco trimestres en positivo.
L'INE esplicó que l'aceleración na variación interañal del PIB ye consecuencia d'una mayor aportación de la demanda nacional (2,7 puntos frente a 2,6 puntos nel trimestre anterior) y d'una menor aportación negativa de la demanda esterna (-0,7 puntos frente a -1).
Dejar un comentario
Acceder al formulario de comentarios de la comunidad