Madrid (E.P.) .-L'escritor Emilio Lledó resultó galardonáu esti martes col Premiu Nacional de les Lletres Españoles 2014, galardón dotáu con 40.000 euros y concedíu pol Ministeriu d'Educación, Cultura y Deporte pa distinguir el conxuntu del llabor lliterario d'un autor español.

   Según informó'l Ministeriu de Cultura nun comunicáu, esti premiu reconoz a autores con una obra considerada como parte integrante del conxuntu de la lliteratura española actual escrita en cualquier de les llingües españoles.

   El xuráu reconoció a Emilio Lledó "pol so pensamientu y dilatada obra, qu'harmoniza la filosofía del Logos, la hermenéutica, el valor estético y ético de la palabra, la defensa de la llibertá y reivindica la vocación docente".

   Igualmente'l xuráu destacó la so aportación d'una vía filosófica propia na que'l saber antiguo ayuda al saber presente. "Ye un gran ensayista y divulgador d'altu nivel, y ente los temes que trata destaquen la defensa de la llectura, la felicidá, el silenciu, la guapura y la verdá", señaló.

   Emilio Lledó Iñigo (Sevilla, 1927) ye llicenciáu en Filosofía y Lletres pola Universidá de Madrid y cursó'l doctoráu na Universidá de Heidelberg. Ye caderalgu d'Institutu en Valladolid y catedráticu de Filosofía nes universidaes de La Laguna y Central de Barcelona y catedráticu d'Historia de la Filosofía de la UNED (Universidá Nacional d'Educación a Distancia).

   Ye miembru vitaliciu del Institutu pa Estudios Avanzaos de Berlín y nel 2004, a propuesta del Gobiernu, presidió'l Conseyu pa la Reforma de los medios de comunicación de titularidá del Estáu.

   Fíu predilectu d'Andalucía (2003), condecoráronlu, coles mesmes, cola Cruz Oficial de la Orde del Méritu de la República Federal Alemana (2005). Amás, ye profesor eméritu de la UNED, doctor honoris causa de la Universidá de La Laguna y de les Illes Balears; y miembru de la Real Academia de la Llingua Española dende 1993, ocupando la lletra 'ele' minúscula.

OBRES Y PREMIOS

   Publicó, ente otres obres, 'Filosofía y lenguaje' (1971) y 'Lenguaje e historia' (1978) que definen la so manera de tratar la filosofía al traviés de la llingua y la hisstoria;  'El epicureísmo' (1984); 'El surco del tiempo' (1992); 'Elogio de la infelicidad' (2005); 'La filosofía, hoy. Filosofía, lenguaje e historia' (2012), y 'Los libros y la libertad' (2013). También escribió abondos artículos periodísticos.

   Lledó reicibó, entre otres distinciones, el Premio Alexander Von Humboldt (1990); el Premio Nacional de Ensayo (1992) pola so obra 'El silencio de la escritura'; el Premio Internacional Menéndez Pelayo (2004) en reconocimientu a la so trayectoria como investigador y docente n'Humanidades; el Premio Fernando Lázaro Carreter (2007) de la Fundación Germán Sánchez Ruipérez; el Premio María Zambrano (2008); y el Premio José Luis Sampedro (2014).