Saltar al contenido

ERC esixe a Mas que caltenga la campaña institucional del 9N pa nun ser "cómpliz" del TC

ERC esixe a Mas que caltenga la campaña institucional del 9N pa nun ser "cómpliz" del TCPolítica
100 %

   La secretaria xeneral y diputada d'ERC nel Parlament, Marta Rovira, esixó esti miércoles al Gobiernu catalán que caltenga la campaña institucional de la consulta soberanista pa nun ser "cómpliz de la suspensión" del 9 de payares decretada pol Tribunal Constitucional (TC).

   Nuna intervención énte'l plenu del Parlament, dixo que'l partíu republicanu ta dispuestu a asumir "les responsabilidaes polítiques y les inhabilitaciones" que faigan falta pa cumplir coles mires de que los catalanes voten na consulta.

   Amás, aseguró que "milenta trabayadores públicos y funcionarios" dirixéronse a ERC pa espresar la so determinación a siguir cola campaña y la organización de la consulta pese a les midíes cautelares decretaes pol TC.

    El conseller de Presidencia y voceru del Executivu catalán, Francesc Homs, retrucó que'l Govern nun ye cómpliz del Altu Tribunal, daqué que se demuestra con que la Generalitat yá presentó argumentos "bien sólidos y bien completos" escontra la suspensión.

    Homs insistió en criticar que'l Gobiernu central impugnó la consulta con considerances "poco xurídiques y bien irresponsables", y llamentó que l'Executivu central actuó ensin diálogu y ensin sentíu d'Estáu.

Dejar un comentario

Puedes cambiarlas en cualquier momento desde el pie de página.

El servidor genera también totales diarios de audiencia sin cookies ni identificadores de lector, exclusivos de Asturias Mundial. Cómo se realiza esta medición limitada.