El 64% de los españoles nun confía na xusticia

Frente al 43% de los ciudadanos de la Xunión Europea y al 13% de países como Dinamarca y Finlandia, el 64% de los españoles diz nun confiar nel sistema xudicial del país, según la encuesta del Eurobarómetru publicada pola Comisión Europea.

España ye’l sextu páis de la Xunión Europea y el terceru de la zona euru nel que menos confianza hai na xusticia nacional (el 34% de los españoles confía nella), depués d’Eslovenia (24%), Eslovaquia (25%), Chequia (25%), Lituania (31%) ya Italia (33%). La confianza nel sistema xudicial ye elevada en cásique la metada de los estaos miembros: más del 50% de los ciudadanos dixeron confiar na xusticia nacional en 13 países de la Xunión Europea.

Dos tercios de los europeos (66%) dicen sentise informaos acerca de cómo topar un abogáu, pero reconocen que disponen de menos información sobre otrpos aspectos del sistema xudicial. N’España, el 52% de los ciudadanos siéntense informaos (20% mui bien informaos y 32% nien informaos).

Los principales problemes en relación colos tribunales civiles y mercantiles na Xunión Europea son la duración y el coste de los procesos, según el sondéu. El 65% de los encuestaos na Xunión Europea consideren que la duración de los procesos ye excesiva y el 48% quéxase del so eleváu coste. Los ciudadanos españoles coinciden con esta tendencia y supérenla: el 78% ven demasiao llarga la duración y el 65% considera que’l coste ye demasiáu altu.

Demientres, el 54% de los europeos y el 39% de los españoles confíen na independencia de los tribunales y los xueces. En cuantes a la xusticia de les sentencies, el 48% de los europeos estimen que ye adecuada, frente al 36% de los españoles.

De la que se pide a los encuestaos que comparen el sistema xudicial del so país col d’otros Estaos miembros, el 25% de media na Xunión Europea cuida que’l nacional ye’l meyor, demientres que n’España namás lo piensa el 6%.

L’Executivu comunitariu presentó esti Eurobarómetru como base de discitiniu pal Foru de la Xusticia que se cellebra estos díes en Bruxelles y nel que se van abordar cuestiones como’l derechu civil, penal y alministrativu d’Europa, l’Estáu de Derechu y los derechos fundamentales na Xunión Europea.