Conciertos, bailles, un chigre, productos serondiegos y comida popular na Seronda d'Avilés

El programa plantega dalgunes actividaes infantiles: Esfoyaza Popular el vienres y “La Seronda: tiempu de calabaces, castañes y folixa” el sábadu

Avilés.-La responsable de la Estaya de la Llingüa del Conceyu d’Avilés, Montse Machicado, Jose Mª Villavoy (Grupo Pleamar y Xuntanza), José Federico Álvarez Palacios (Xaréu d'Ochobre y Xuntanza) y Susana Rodríguez "Sela" (Escontra'l Raigañu y Xuntanza), presentaron en rueda de prensa la programación de la XI Seronda n’Avilés. Los actos d’esta celebración desarrollaránse del 8 al 10 de payares na  carpa que se va poner na Plaza de Domingo Álvarez Acebal.

Les actividaes na carpa empiecen el vienres a les 18.30 hores con conciertos, bailles, productos d’esi tiempu  y una comida popular.

Dientro’l programa, ayer yá se presentó’l llibru “Vestidos de Asturias” de Fe Santoveña Zapatero, que repasa 150 años de fotografía y ropa tradicional n’Asturies.

El programa pal fin de selmana ye’l que vien darréu:

18:30 horas. Apertura de la carpa. Plaza de Domingo Álvarez Acebal.

Música popular d’animación, puestos con productos serondiegos (tortos, sidra, castañes, mazanes…) y chigre.

Vezos y costumes: “Faciendo sidra y magostando castañes”.

19:00 horas. Inauguración oficial de la “XI Seronda n´Avilés”. Bandina tradicional

19:30 horas. Esfoyaza popular (cuentos, lleendes, cancios…). Animación con Tres Colores

20:00 horas. Sones de pandereta y panderu n´Asturies. Alcuentro con Escontra´l Raigañu, Serendén y Xeitu.

Amuesa de bailles y dances tradicionales a cargu del grupu Xeitu

21:30 horas. Actuación del grupu Palaes de Ron.

22:30 horas. Entama la Nueche en Danza. “Si quiés participar basta con tener ganes de baillar”. Animación con músicos populares y componentes de los grupos participantes.

24:00 horas. Pieslle de la carpa.

12:30 horas. Apertura de la carpa con música popular d’animación, puestos con productos serondiegos (tortos, sidra, castañes, mazanes…) y chigre.

13:30 horas. Sesión vermú. Conciertu de música popular.

14:30 horas. Comida Popular (Pote de berces con fariñón y arroz con lleche. 8 €).

17:30 horas. Actividá infantil: “La Seronda: tiempo de calabaces, castañes y folixa”. Con Tres Colores

19:00 horas. Bailles y dances con “Xaréu d´Ochobre” y “Pleamar”.

20:00 horas. Baille al son de: “Rubén Alba” y “El koku la manzana”.

24:00 horas. Pieslle de la carpa.

12:00 horas. Apertura de la carpa y puestos con productos serondiegos (tortos, sidra, castañes, mazanes…) y chigre y xuegos populares

14:30 horas. Pieslle de la carpa.