El Mercáu Social de Nava nació cola ideade fomentar el comerciu de proximidá y la venta directa, poner en valor los productos y campesines de la zona y recuperar y dignificar el mundu rural, afitando población. Un mercáu onde les pequeñes caampesinespuedan ser les dueñes de la venta y distribución de lo que cultiven, poniendo preciu a los sos productos o faciéndolo en común alcuerdu colos consumidores, recuperando'l componente social históricu del comerciu.
Nesti mes vienen y van celebrase bien d'actos per toa Asturies col envís de conmemorar y festexar el Día de les Lluches Campesines. El Mercáu Social de Nava quixo sumase a estes celebraciones ofreciendo'l so espaciu pa la realización del actu central.
Esti sábadu 15 d'abril na plaza Dominganes de Nava de 11h a 18h, amás de la celebración del mercáu con productos de güerta, artesanos y de proximidá, va poder disfrutase d'una buena riestra d'actividaes festives y reivindicatives:
- 11h. Apertura del mercáu.
- 12h. Intercambiu de semientes tradicionales y locales. Entama: Biltar.
- 12:30h. Obra de teatru contra los Trataos de Llibre Comerciu. Entama: Plataforma asturiana contra los Trataos de Llibre Comerciu.
- 13:30h. Conciertu de Silvidos y Gemidos.
- 15:00h. Pinchada prestosa.
Dejar un comentario
Acceder al formulario de comentarios de la comunidad