Disney va abrir a mediaos de payares na céntrica avenida Portal de l'Àngel de Barcelona la so mayor tienda d'España, de 500 metros cuadraos y que va incluyir productos pa neños y adultos, asina como artículos especialmente diseñaos pa la capital catalana, confirmaron a Europa Press fontes de la multinacional.
El nuevu local, d'arriendu y ún de los más grandes de la firma n'Europa, va vender productos Disney y de les sos franquicies: Marvel, Star Wars y Pixar, y va incluyir actuaciones, talleres y otres actividaes pal públicu, según publica esti vienres 'Expansión'.
Pal públicu adultu va cuntar con artículos de coleicionismu, y el local tamién va vender xuguetes, ropa, complementos y ropa d'antroxu, ente otros productos.
Disney taba hasta agora presente en centros comerciales de Barcelona --Glòries y L'Illa Diagonal--, pero non a pie de cai, y pa ello escoyó un allugamientu qu'enantes ocupaba Podivm, que l'añu pasáu zarró tolos sos establecimientos.
Coles mesmes, Disney ta buscando un llocal a pie de cai nel centru de Madrid p'allugar tamién una tienda de referencia na capital española.
Dejar un comentario
Acceder al formulario de comentarios de la comunidad