Polígonos como los de Riscastru, en Mieres, y El Cadavíu, en Llangréu, depués de bien de tiempu de la so inauguración, siguen vacios. Por más que se siga falando d’ellos nos planes de revitalización de les cuenques mineres, estos polígonos siguen ensin tener atractivu pa les escases empreses que proyecten ubicase. Con too, Hunosa sigue cola so política de crear nuevos polígonos industriales, como’l yá proyectáu en Modesta y alredor de 150 metros cuadraos más n’otros puntos de la nuestra xeografía ex minera.
Según comentariu de la presidenta d’Hunosa, María Teresa Mallada, la compañía tien reserves d’alredor del millón de tros cuadraos con posibilidá industrial. A pesar d’ello, la más grande parte de los proyectos de revitalización de los conceyos mineros tan paralizaos. En dellos espacios descomanadamente grandes ye más qu’evidente esta ausencia d’empreses.
Asina, ente los proyectos próximos alcuéntrense los polígonos de Mosquitera y Pumarabule, en Siero, el de San Frechosu y el llavaderu Servanda, n’Uviéu, y el de les antigües instalaciones del pozu Figareo, nel empiezu del Valle Turón, nel conceyu de Mieres.
Dejar un comentario
Acceder al formulario de comentarios de la comunidad