Malapenes lleven pasaos 13 años d’esti nuevu sieglu. Suficientes pa que nos tocara asistir a un relevu xeneracional impresionante. Estos son, nuna mirada rápida, 12 discos pa entender esti tiempu. Ensín mencionar, intencionadamente, nengún de los publicaos nel añu pasáu y nésti.

Dellos van ser imprescindibles pa falar d’esti tiempu dientro d’otros cien años. Dalguién va echar a faltar dalgún discu, más que nada de folk y d’otres músiques averaes. Posiblemente. Al meyor de xente como Liliana Castañón, Sergio Agüeros, Héctor Braga o Fernando Valle Roso. Por citar a xente bien moza que ta y que sigue faciendo coses diferentes. La distancia de tiempu de la que tamos falando ye tan curtia y la nuestra propia mirada dende la necesaria distancia tan curtia, que puen ser suficientes esta docena de discos. Y, tamién, pue echase a faltar dalgún más.

Valgan, de toles formes, estos 12 discos, como averamientu a la canción asturiana del presente. Un presente de cara al futuru.

1. Mariluz Cristóbal Caunedo. Ónde la ñublina posa. Fono Astur. Uviéu, 2001.

2. VVAA. La tonada de la mina. Ámbitu. Uviéu, 2002.

3. VVAA. Cantares de mina. Ámbitu. Uviéu, 2003.

4. Jorge Tuya, Ismael Tomás, José Manuel Collado y El Che de Cabaños. Cuatro Ases de la Toná. Fono Astur. Uviéu, 2003.

5. Rosario González. De L.laciana vengo. Ámbitu. Uviéu, 2004.

6. Anabel Santiago. Anabel Santiago canta a Diamantina Rodríguez. Malespulgues Records. Mieres, 2005.

7. Hermanos Valle Roso. Un pasu más. Ámbitu. Uviéu, 2008.

8. José Manuel Collado. Teitos. Fonográfica Asturiana. Uviéu, 2009.

9. VVAA. 25 clásiques de l’asturianada. Ámbitu. Uviéu, 2009.

10. Celestino Rozada. Al pie del Cuera. Fonográfica Asturiana. Uviéu, 2009.

11. José Manuel Robledo “Lolo de Cabranes”. Sabor Asturianu. Uviéu, 2009.

12. Marisa Valle Roso. No fondero l’alma. Every Good Song, 2011.