La gala va celebrase?l 1 d?avientu nel Teatru de la Llaboral y la entrada va ser llibre y gratuita


Xixón.-El día 1 d'avientu, Llaboral Ciudá de la Cultura, en Xixón, va acoyer la final del festival Liet International 2012 na que van participar once grupos, que representen a diferentes llingües minoritaries d'Europa.

El festival  cumple la so primer década y que nesta ocasión va cuntar cola presencia d'una delegación del Conseyu d'Europa, encabezada por Alexey Kozhemyakov, director del Secretariáu de la Carta Europea pa les llingües rexonales y minoritaries.

Pa esta edición del festival, el comité de selección de la Fundación Liet International y los sos socios, compuestu por espertos en música de Frisia, Asturies y Córcega, ficieron una escoyeta ente los 35 candidatos presentaos de 18 minoríes llingüístiques d'Europa de la que resultaron cinco elexíos:

- Brian Ó hEadhra, representante del gaélicu escocés (Reinu Uníu).
- Enkore, representante del euskera (España).
- Ivan Belosludtsev & 4 Cheber Pios, representantes del udmurtiu (Federación Rusa).
- Lleuwen,  representante del bretón (Francia).
- The Voodoolectric, representantes del baxu saxón (Alemaña).

Xunto a ellos, otres seis bandes resultaron clasificaes pa Liet International Asturies 2012, depués de ganar un concursu de la canción na so llingua propia nos países asociaos a la Fundación. Estes son:

- Asturiana Mining Company, ganadores del Premiu al Meyor Cantar 2012 Asturies (2012)
- Inger Karoline Gaup, ganadora del Sami Grand Prix 2012, Sápmi (Noruega).
- Yldau, ganador de Liet 2012, Frisia (Países Baxos).
- Dopu Cena, ganador de Liet Corsica 2012, Córcega (Francia).
- Claudia Crabuzza y Claudio Gabriel Sanna, ganadores del Festival de Suns, certame de la canción nes llingües minoritaries d'Italia y la rexón alpina.
- Jo No Kognos, escoyíos tamién pol Festival de Suns (con derechu a enviar a dos participantes).


En total, once formaciones, que representen a los idiomes gaélicu escocés, euskera, udmurtiu, bretón, baxu saxón, sami, frisiu,corsu, friulanu, catalán y asturianu, van concursar na final que se va celebrar el 1 d'avientu en Llaboral Ciudá de la Cultura, en Xixón (Asturies), nuna gala que va cuntar tamién cola actuación del grupu asturianu Dixebra.

El festival, que va empezar a les 21.15 hores, va ser retresmitíu en directu per televisión y Internet al traviés de la Televisión del Principáu d'Asturies (TPA). Cola fin de  favorecer el desenvolvimientu del espectáculu, la entrada al festival va ser llibre hasta completar aforu, previa recoyida d'invitaciones na Llaboral y nel Centru Niemeyer. Diches invitaciones van tar disponibles a partir del próximu vienres día 16 de payares.

Ye la primer vez que?l festival Liet International se celebra na península ibérica, depués del so pasu pelos Países Baxos, Suecia, Francia o Italia.

Tola información sobre?l certame va tar disponible na páxina web http://www.liet-asturies2012.com, y va poder siguise al traviés de facebook (Liet Asturies 2012) y twitter (@liet_asturies)