L'Ayuntamientu de Mieres, pente medies de la Casa de la Cultura y el Serviciu de Normalización Llingüística, convoca la XXV edición del Premiu “Teodoro Cuesta” de poesía n’asturianu, con una dotación económica de 1.200 €. Los orixinales entregaránse en mano o per corréu certificáu en: Casa de Cultura "Teodoro Cuesta" (Secretaría). C./ Manuel Llaneza, 8, 33600. Mieres del Camín, ente los díes 1 y 30 del mes de setiembre.
El fallu del xuráu daráse a conocer nel plazu d’un mes y el premiu entregaráse nun actu públicu que será comunicáu nel so momentu.
Les bases puen consultase na páxina Web del Ayuntamientu: http://llingua.ayto-mieres.es/.
El Premiu “Teodoro Cuesta” creóse nel añu 1991 y considérase’l más prestixosu de los que se celebren n’Asturies nel ámbitu de la poesía. Ente los sos ganadores figuren los más reconocíos autores del Surdimientu. Esti añu cúmplense 25 años de la so creación
Dejar un comentario
Acceder al formulario de comentarios de la comunidad