La Comisión Executiva de l'Agrupación Municipal Socialista d'Uviéu (AMSO), ante la convocatoria del procesu de Primaries Municipales, manifiesta que decidió mayoritariamente proponer y sofitar la candidatura del actual secretariu xeneral, Wenceslao López Martínez.
Al traviés d'una nota de prensa emitida na nueche del miércoles, la Comisión Executiva manifestó que considera a Wenceslao López "la meyor alternativa" pa defender los intereses de los ciudadanos d'Uviéu.
"Consideramos qu'en política importa, el proyectu participativu y abiertu, que nos llevó dirixir dende payares del 2012, l'agrupación política más consolidada de la ciudá", señalaron.
N'emponderando "la so coherencia política, honestidá personal ya intelectual, capacidá de trabayu, eficacia y conocencia municipal demostráu", resaltaron les denuncies públiques de López, dende los sos entamos, sobre los "desastres" de la xestión política, urbanística y económica "a los que los socesivos gobiernos populares llevaron a esta ciudá".
Según la Comisión Executiva, el secretariu xeneral "decidió asumir esta máxima responsabilidá política, anque treslladó a la Comisión Executiva la so intención de sometese a esti procesu de primaries municipales, nes mesmes condiciones que los demás precandidatos y cumplir el requisitu del 20% d'avales que s'establez nel Reglamentu Federal".
Dejar un comentario
Acceder al formulario de comentarios de la comunidad