González alvierte de qu'amenorgar impuestos va traer un deterioru mayor de los servicios públicos

Uviéu.-“Si la propuesta del PP ye que rebaxemos los impuestos pa qu'haya menos ingresos, pa que se deterioren más los servicios, haya menos maestros inda maestros, menos personal sanitariu o haya menos atención a la dependencia, que nun cunten con nós”, dixo al términu de la Xunta de Voceres. El diputáu d'IX demandó, d'otra manera, aplicar la Constitución y que pague más el que más tien “o'l que tien pocu o bien pocu, nun tendría de pagar nada”. González convidó al PP a falar d'un impuestu que nun ta en manos de la Xunta camudar, el IVA, el más inxustu de los impuestos o d'estudiar pa que paguen les grandes fortunes, “y de eso nun fala nin el PP nin otros”..

El voceru d'IX foi entá más explicito nel so refugu a la propuesta popular que van rexistrar pal alderique d'orientación política que va tener llugar la primer selmana d'ochobre. “Si'l so oxetivu ye deteriorar los servicios públicos de sanidá, educación, y servicios sociales más de lo que se van deteriorando colos retayos de Rajoy, más de lo que se tán deteriorando cola política d'imposición a les comunidaes autónomes, que nun cunten con nós. Exemplu d'estes polítiques son que n'Asturies tán terminaos los edificios pa residencies de mayores y esisten llistes d'espera y non pueden abrir porque non puede contratase el personal. Hai más de 1.000 persones y teniendo edificios de nueva construcción a disposición, les residencies non pueden abrir. Ye una aberración absoluta”, atayo González.