Diez categoríes agrupen los milenta arumes que somos quién a percibir col olfatu. Eso al menos ye lo qu’afirmen los científicos estadounidenses responsables d’un estudiu publicáu na revista especializada PLOS One. Jason Castro, de la Universidá de Bates, y Chakra Chennubhotla, de la Universidá de Pittsburg, utilizaron la técnica computarizada pa desgranar golores hasta la so esencia más básica. Y pa ello realizaron un análisis estadísticu y matemáticu d’una base de datos de descripciones olfatives.
Tres d’analizar 144 golores, llegaron a la conclusión de que les percepciones olfatives puen clasificase en diez categoríes mínimes:
1 Floral
2 Lleñoso
3 Frutal
4 Químicu
5 Mentoláu
6 Dolce
7 Afumáu
8 Cítricu
9 Podre
10 Ranciu
Según ún de los investigadores, diba ser interesante comenzar a prebar la teoría con arumes más complexos, como perfumes y otros golores cotidianos. En realidá, diz, ye probable que cualuquier golor natural seya una mecedura complexa, una combinación de les 10 estremaes categoríes
Dejar un comentario
Acceder al formulario de comentarios de la comunidad