“¡Ay, fíu, nun sabes tú lo que me vien a pedir la mi nieta mayor! Que diz que quier ser influencer de lifestyle, ¡toma ya!, y que pa eso necesita una receta guapa pa grabase en TikTok. ¿Y qué voy facer yo? Pues lo que sea, ¡por la mi nieta mato si fai falta! Que la quiero más que a los bollinos de chorizu, y eso ya ye decir.
Asina que pensé: vamos facer una receta bien asturiana, pero modernina, d’esas que cuando la xente la vea diga: ‘guau, esto tengo que probalu’. Y nada mejor que unos cachopinos pequeñinos, cruxientes y rellenos de queso, que cuando los abras pa la cámara salga’l queso estiráu como un chicle… ¡Eso va ser tendencia segurísimo!”
Ingredientes (pa 4 persones, o pa 2 mozos con fame de campeonato):
-
8 filetes fininos de ternera asturiana.
-
4 lonches de xamón serranu (o cecina si quies dar más glamour).
-
4 lonches de quesu asturianu (Pría afumáu o un cabrales suave, que tire un poco).
-
Harina, güevu batíu y pan rallao.
-
Aceite de oliva pa freír.
-
Sal y pimentina.
-
Pa acompañar: patatines gajo o salsa de cabrales pa mojar.
Preparación
-
Preparar los filetes: estíralos y echa-yos un poco de sal y pimienta.
“Mira, nieta, esto tienes que dicilo mirando a la cámara: ‘fácil y rápido, sin misterios’.” -
El rellenu: pon enriba del filete’l xamón y el quesu, y tapa con otru filete.
“Que se vea bien el quesu, que luego’l secretu del vídeo ta en el fundíu”. -
Empanar: pasa’l cachopín per harina, güevu y pan rallao.
“Aquí, cielo, fai una gracia con les manes llenes de pan rallao, como si fuera nieve cayendo. Eso gusta.” -
Freír: mete los cachopinos nel aceite caliente hasta que queden doradinos y cruxientes.
“Eso burbujeando delante de la cámara ye hipnóticu, vas ver los likes.” -
Momentu TikTok: corta un cachopín recién fechu delante de la cámara, despacín, y que’l quesu se vea fundíu, cayendo y estirándose.
“Ese ye’l clip que se va facer viral, seguro.”
Presentación
Pon los cachopinos nun tabla de madera, con patatines gajo alredor y un cuenquín de salsa pa mojar. Echa-y un poco de verde pa decorar, que da glamour.
“Y asina ye, guajes: la receta asturiana de la güela Balbina pa que la mi nieta se faiga influencer. Que lo probeis y que vos deis una fartura buena… ¡y dad-y like, que la mi guaja quier triunfar!”
