L´otru die invitome a pasar  la xorná  el mio amigu Fer en Cornellana, llevándome a visitar el Monasteriu. Llamome   l´atención  la figura  d´un animal parecío  a una lloba que apaicía llabrá n´una arcá.

Esta figura tien una leyenda con dos  versiones. Lo que asemeya la  figura se diz que ye una osa amamantando un guaje.

Unos dicen que ye la infanta Cristina, fía del rey Bermudo II, que siendo amamantá  per una osa siendo ñácara, quiso facer un homenaxe  al sucesu nel monasteriu onde vivió dende´l añu 1024 hasta que morrió

Otros cuenten que el rapacín llera fíu de los señores de Doriga, y que en un descuidu de la niñera, una osa cogió al guaje, cruzando el ríu con él na bocona.

Un criau buen mozu persiguiolos, y dio con ellos pente los matos, atopandose con una escena per fantástica. La osa taba dandoi de mamar al neñu.

El rapaz asustó a la osa y asina pudo coyer al guaje, y regresalu al palacio colos padres.

Los señores en agracedimientu  ficieron la Ilesia de San Salvador y mandaron tallar en piedra la osa col rapacín.

Pero dalgún hestoriaor diz que el bichu nun ye una osa si non un lleón, representando allegoricamente a Dios en la Hestoria del lleón de Judá. Estes figuraciones hailes na más que´n Navarra de onde vinieron los monxes de la orden de Clunny, fundaores del monasteriu  una d´elles aparez  na catredral de Pamplona y la otra  ta nel monasteriu      d´Artaiz.

Vosotros podeis escoyer  cualquier versión, la fantástica o la hestórica. Ehí vos dexo les dos