El día enantes de presentar l’informe que va dicir si ye posible atopar los restos de Miguel de Cervantes, l’investigador Luis Avial diz tar satisfechu col so mapa exhaustivu del conventu madrileñu onde se busca al escritor y que técnicamente ye’l más completu de los fechos n’España.

Costó cinco selmanes dibuxar el mapa del subsuelu y les cavidaes del conventu de les Trinitaries de Madrid, onde Cervantes fue enterráu, pero’l xeorradarista Luis Avial ta satisfechu col trabayu que mañana va presentar nel Palaciu de Cibeles de Madrid nunba rueda de prensa que se prevé multitudinaria.

La ilesia na que fue enterráu’l xeniu de la lliteratura universal fue remodelada a finales del sieglu XVII y, anque se tien lam certeza de que l’escritor reposa ellí, nun se sabe en que llugar exactu puen tar los sos restos.

El proyectu que llidera Avial col hestoriador Fernando de Prado y el forense Etxebarría tien precidamente como obxetivu llocalizar esos puntos onde podría reposar pa depués sacar los restos del anonimatu y que queden baxo una llastra que recuerde’l nome del padre del Quixote.