La Universidá d’Uviéu ta acabante de publicar el llibru “De la Historia de la Música del Valle del Nalón: 1853-2003. El paisaje musical de una comarca minera de Asturias”, del musicólogu Félix Martín.
Trátase de la tesis doctoral presentada na Facultá de Musicoloxía, baxo la dirección de la profesora María Encina Cortizo y qu’aborda l’inxente escenariu musical de la Cuenca’l Nalón dende mediaos del sigelu XIX hasta anguañu. Dende les más vieyes manifestaciones musicales de gaita, tambor y rabel, hasta una más que notable programación clásica, pasando poles más novísmies propuestes neofolclóriques o rockeres.
Félix Martín ye natural d’Uviéu y llogró’l doctoráu en Musicoloxía con esta tesis, presentada en 2005. Ye coautor de “El Arte de Tunar”, editáu pola Fundación Joaquín Díaz d’Urueña (Valladolid), en 2007, y autor del llibru “El Presi. Cien años de un mito de la canción asturiana”, de la Editorial Laria, d’Uviéu, en 2009.
Dejar un comentario
Acceder al formulario de comentarios de la comunidad