Mieres del Camín.- A finales de los años trenta, na Costa Azul francesa, un floríu repertoriu de paries de la tierra desllómbase nunes mines de plombu y plata: alemanes fuxento del Führer, españoles ya italianos anrifascistes, rusos, armenios, polacos, arxelinos… Nesta islla de Java, como llamen despectivamente los franceses a esti pobláu mineru ye’l llugar onde trescurre la novela coral “Los javaneses”, na que Jean Malaquais despliega tol so inxeniu, ironía y acidez pa facenos reír demiestres amuesa les condiciones de vida de la clase obrera al empiezu del sieglu XX. Un impresionante retablu traxicómicu galardon´ñau col premiu Ranaudot nel añu 1939 y que se publica agora n’Asturies, na so primer edición en castellanu, pola Editorial Hoja de Lata.

Jean Malaquais ye’l nomatu de Vladimir Jan Pavel Malacki, escritor en llingua francesa d’orixen polacu, naturalizáu estadounidense. Dende bien mozu tuvo de desempeñar toa una riestra d’oficios, ente ellos el de mineru nos yacimientos de plombu y plata del sudeste francés, esperiencia que-y diba inspirar la so obra más conocida y galardonada, “Los javaneses”. Fue publicada en 1939 y obtuvo’l citáu premiu imponiéndose a “Le mur”, de Jean-Paul Sartre.

La presentación d’esta novela va tener llugar el xueves 19 de septiembre, a partir de les 19:30 h. nel salón d’actos de la Casa de Cultura Teodoro Cuesta de Mieres, y va contar cola presencia de la so editora y traductora, Emma Álvarez Prendes. La portada del llibru reproduz el cuadru “La bocamina”, de Mariano Moré, qu’orixinalmente se llamara “La güelga”.