Iniciativa pol Asturianu.-Miembros d'Iniciativa pol Asturianu participaron colos petos de la organización na manifestación contra la LOMCE, nuevu proyectu de reforma del sistema educativu que pon en peligru la presencia del idioma asturianu nes escueles. La Vocalía d'Enseñu d'Iniciativa pol Asturianu vien axuntándose a les movilizaciones organizaes polos docentes de llingua asturiana pa lluchar contra la desapaición de l'asignatura del sistema educativu y pa esta manifestación fízose un llamáu a los sos asociaos y a tola sociedá p'acudir.
Pa Iniciativa pol Asturianu hai dos coses clares nesti ámbitu: En primer llugar, l'asturianu ha ser una asignatura pa tolos alumnos, una asignatura normal, non una optativa, nin voluntaria, non enfrentada a otres materies. Y en segundu llugar, dar pasos pa que l'asturianu se convierta nel idioma vehicular d'otres asignatures, buscando un modelu afayadizu p'Asturies que permita que l'asturianu seya llingua d'usu habitual nes aules.
La Llei en cuestión vien del estáu central, pero dende Iniciativa pol Asturianu, como yá s'esplicó "tampoco nun tamos contentos cola postura del Gobiernu d'Asturies, que pa solucionar daveres esti problema namás tendría d'oficializar l'asturianu, pero niégase".
Editorial d'Iniciativa pol Asturianu "Bable nes escueles"
Dejar un comentario
Acceder al formulario de comentarios de la comunidad