L'exentrenador del FC Barcelona Pep Guardiola zarraría la llista de CDC, ERC y les entidaes soberanistes a les elecciones catalanes del 27 de setiembre, según publica esti llunes 'El País'.

   Guardiola, qu'esti añu entrena al Bayern de Múnich, va tener esti puestu simbólicu en llista, según celebró dalgún dirixente nacionalista nes redes sociales, y va sumase a la candidatura que lidera l'exeurodiputáu d'ICV Raül Romeva, siguíu de Carme Forcadell (ANC), Muriel Casals (Òmnium Cultural), Artur Mas (CDC) y Oriol Junqueras (ERC).

   CDC y ERC, que nun confirmaron esta información, escenificarán esti llunes l'acuerdu cola presentación del manifiestu 'Xuntos por un estáu independiente pa ganar la Catalunya del futuru' nun actu nel Muséu d'Història de Catalunya (MHC).