El maxistráu del Tribunal Supremu Alberto Jorge Barreiro decidió esti xueves siguir el procedimentu abiertu contra los expresidentes andaluces José Antonio Griñán y Manuel Chaves al estimar qu'existen nicios de que pudieron incurrir nun delitu de prevaricación alministrativo.
El xuez abrió una doble vía, encamentando per un llau'l suplicatoriu de Chaves y de los tamién aforaos José Antonio Viera -al que tamién imputa malversación de fondos públicos- y Gaspar Zarrías, dambos diputaos, y dexando fuera del procedimientu a la antigua conseyera Mar Moreno. Per otru llau, y en perdiendo Griñán la so condición d'aforáu, l'instructor eleva al traviés d'un autu los nicios atropaos na so contra y solicita que sigan exuiciándolu xunto col restu d'aforaos.
L'altu tribunal abrió causa va daqué más de siete meses col informe favorable de la Fiscalía contra los dos expresidentes y contra los conseyeros José Antonio Viera y Gaspar Zarrías, diputaos nel Congresu; y contra la tamién exmiembru del Gobiernu de la Xunta Mar Moreno, que ye Senadora.
Mientres esti periodu l'instructor de la causa, Alberto Jorge Barreiro, tomó declaración a los cinco aforaos y llamó tamién a otros imputaos na causa de Sevilla como'l que fuera exinterventor na Xunta Manuel Gómez Martínez y otros excargos del Gobiernu andaluz que participaríen nes xuntes previes al Conseyu de Gobiernu, los denominaos "conseyinos".
De la mesma manera, y antes d'elevar les sos conclusiones al Parlamentu, el maxistráu Jorge Barreiro llamó al so despachu a los peritos de la Intervención del Estáu (IGAE) qu'ellaboraron un informe a pidimientu de la xueza de Sevilla Mercedes Alaya, que cuestiona l'usu de les denominaes "tresferencies de financiación" pa dotar ayudar socio-llaborales investigaes. Igualmente depunxeron los peritos de parte, dos caderalgos propuestos por Griñán que caltienen precisamiente lo contrario.
Dejar un comentario
Acceder al formulario de comentarios de la comunidad