Con motivu de la cellebración del DÍA D'ASTURIES la televisión autonómica asturiana va facer la emisión tercera del llargumetraxe El rostru impenetrable (One-Eyed Jacks), dobláu al asturianu por Gonzali Producciones. Sedrá'l llunes, 8 de setiembre, a les 15,40 hores.
El rostru impenetrable (ficha técnica) ye un western de 1961 fechu n’Estaos Xuníos d’América, dirixíu y protagonizáu por Marlon Brando, y ta interpretáu por Marlon Brando, Karl Malden, Pina Pellicer, Katy Jurado, Ben Johnson, Slim Pickens,Larry Duran, Sam Gilman, Timothy Carey, Miriam Colon, Elisha Cook Jr., Rodolfo Acosta y Hank Worden. Foi la única película dirixida por Marlon Brando. En 1961 tuvo nominada al Oscar na categoría de Meyor Fotografía (collor) y llogró la Concha d'Oru a la meyor película nel Festival de San Sebastián.
La TPA fizo una primera emisión el 27 ’avientu de 2013 y una reposición el 10 de mayu. El doblaxe d’El Rostru Impenetrable (ONLINE ) ye’l programa más vistu de ‘TPA a la carta‘.
Illán Gonzali dirixó y produció’l versionáu, con un repartu de más de venti dobladores, ente ellos Carlos Novoa, José Antonio Lobato, Ana Blanco Rozada, Ana Díaz Morán, Andrés Presumido, Carlos Alba, Alberto Rodríguez, Silvino Torre, Lluis Antón González, Olga Cuervo, Eladio Sánchez, Verónica Gutiérrez, Marisa López Diz, Ángel Héctor Sánchez, Norberto Sánchez, Carlos González, Begoña Faro, Mario Artidiello, Samuel Gradín, Hugo García, Carlos Rodríguez, Jéssica de la Paz, Xulián García y Fernando de Luxán.
L'Academia de la Llingua Asturiana responsabilizóse del asesoramientu lingüísticu.
ARGUMENTU:
Tres d'atracar un bancu fronterizu Rio vese traicionáu por Dave, el so meyor amigu y compañeru de correríes. Apresáu polos rurales mexicanos pasa cinco años nel presidiu de Sonora d'onde escapa pensando en vengase. Al poco alcuentra a Dave, qu'agora ye un home respetable y sheriff de Monterrei.
EL ROSTRU IMPENETRABLE Información na Uiquipedia
Clips:
http://www.youtube.com/watch?v=XVuh9oPzkG8
http://www.youtube.com/watch?v=_jQ2lA5Ux0I
