Miembros de collectivos armaos xunto a militares reprimiendo a los manifestantes. Ataques escontra vehíuclos particulares y edificios residenciales. Denuncies de tortures. Asesinaos con tiros na cabeza. Les mesmes imáxenes repítense n’estremaes ciudaes venezolanes nel marcu de les protestes escontra’l Gobiernu del presidente Nicolás Maduro.

“Nun remembro un cuadru d’acompañamientu tan sistemáticu ente grupos paramilitares en combinación con efectivos de la Fuerza Armada de seguridá del Estáu”, señala Rocío San Miguel, presidenta de Control Ciudananu.

La presunta collaboración ente axentes del Estáu y bandes de civiles armaos al momentu de responder a los manifestantes, faen que San Miguel destaque la existencia de “un mandu que ta coordinando estes actuaciones, yá que nun ye casualidá que s’observen esos patrones en tantos sitios xeográficos estremaos”.

San Miguel tamién alvierte que l’Executivu diba poder tar creando “falsos positivos” pa xustificar la represión. ¿Qué son falsos positivos? “Ye la simulación d’un fechu punible perpetráu por infiltraos p’atribuyi-ylo a la oposición. Llama l’atención la capacidá del Gobiernu pa filmar los ilícitos y amosalos como ataques fascistes, en llugar d’intervenir cola Fuerza Armada pa evitar qu’esto ocurra”, respuende.

La representante de Control Ciudadanu apuesta pola creación d’una comisión internacional independiente qu’investigue los fechos, onde, a xuiciu d’ella, ciertos grupos copiaron el modelu de “los escuadrones de la muerte qu’operaron n’El Salvador”.

FOTO; Vía twitter