Tres la emerxencia sanitaria declarada esti llunes pola Organización Mundial de la Salú (OMS), esti espertu reconoció que'l riesgu n'España sigue siendo mínimu magar que'l mosquitu que tresmite la enfermedá, de la familia 'Aedes', ta presente nes rexones de la cuenca mediterránea (Cataluña, Comunidá Valenciana, Baleares, Andalucía y Murcia).

   "N'Huesca identificóse'l vector y nuna provincia del País Vascu pero en zones llendaes que de primeres nun planteguen agora mesmo riesgu, pero nun sabemos cómo va estendese; de primeres el riesgu ye na cuenca mediterránea", alvirtió.

   El principal riesgu en casu de contaxu ye pa les muyeres embarazaes, ante'l posible riesgu de microcefalia nos ñácaros. Nesti sen, y anque pel momentu España nun desaconseya viaxar a los países afectaos a esti colectivu, Simón avanzó que tán estudiando ser más contundentes nos sos encamientos.