El ministru de Xusticia, Rafael Catalá, considera que la respuesta de la Ilesia católica ante'l casu de presuntos abusos per parte de sacerdotes na diócesis de Granada "tien muncho que ver cola tresparencia".

   "La reacción que tuvo nesti casu la Ilesia católica tien muncho que ver cola tresparencia y col control y la supresión de conductes irregulares que ye deseable de toles instituciones y tamién, nesti casu, de la Ilesia católica", sorrayó.

   Asina lo dixo Catalá mientres l'alcuentru sobre menores y medios de comunicación entamáu pol Ministeriu de Xusticia y la Fundación Legálitas que tuvo llugar esti martes.

   Pal ministru, "cualquier tipu d'agresiones contra los derechos de los menores merez tou refugu" y "especialmente cuando se trata de persones con especial relación de confianza o con cualquier otru ciudadanu".

   Sobre les detenciones, apuntó que "tán nel marcu de les investigaciones" y, al so xuiciu, ponen de manifiestu "el funcionamientu normal del sistema de derechu ante cualquier tipu d'agresión".

   Sobre esti mesmu asuntu pronuncióse esti martes la secretaria d'Estáu d'Igualdá, Susana Camarero, que manifestó en declaraciones a TVE'l so refugu absolutu" y "preocupación de qu'estes coses puean tar pasando".