Nun son tonada asturiana, nin siquiera dalgo que podríemos calificar como folk o música tradicional. Pero son xente que dende Asturies cultiva otres músiques y que, en xunto, acaben arriqueciendo la música asturiana en xeneral Polo tanto, trátase tamién d’una música que va más allá de la qu’apuesta pol pop más comercial y que llega hasta les grandes llistes d’éxitos, como Melendi, El Sueño de Morfeo o Paula Rojo.

Trátase de propuestes bien estremaes, que van dende la música d’autor, al rock, al jazz, la música coral y la música clásica. De xuru que se va echar a faltar xente en cada ún de los apartaos; pero, ensin dulda, estos 10 discos puen resumir dafechamente bien les propuestes diferentes que se viene faciendo estos 10 últimos años.

Tolos intérpretes citaos tienen  una llarga trayectoria. La década última abrióla en 2004 un discu, “Xedré”, de Pedru Pereira, que nun tuvo continuación. Yera una propuesta que sonaba bien diferente. Como les 10 siguientes:

10 discos d’otres músiques de los últimos 10 años n’Asturies:

01 (2004) Toli Morilla: “Nueche d’insomniu”.

02 (2006) JOSPA y Ramón Prada: “Keltiké”.

03 (2006) Dark la Eme: “Chigre y Dragón”.

04 (2006) Dixebra: “N’acción”.

05 (2007) Lucas 15: “Lucas 15”.

06 (2008) Alfredo González: “La nada y tu”.

07 (2009) Coro El León de Oro: “Paxarines”.

08 (2010) Forma Antiqva: “Concerto Zapico”. 

09 (2011) De Miguel Wolfe & Quintana: “Xota pa tres”.

10 (2012) Ensemble Ars Mundi : “Música de Cámara d’Asturies”.