El presidente del Gobiernu, Mariano Rajoy, volvió refugar güei otra vuelta la pretensión del presidente de la Generalitat catalana, Artur Mas, de pactar col Executivu central la celebración d'un referendu sobre la independencia de Cataluña, esplicando que lo que yera illegal va un añu sigue siéndolo agora.

   Coles mesmes, Rajoy cuestionó que la consulta del pasáu domingu fuera un éxitu, argumentando que se produxo un fondu fracasu del proyectu independentista.

   Nesti sen, esplicó que dempués de tantu ruiu, movilización, el dineru público gastao cuando los nacionalistes esperaben una participación masiva, según les sos propies cuentes, dos de cada trés catalanes nun-yos ficieron casu.