El físicu teóricu Stephen Hawking participa nel cantar 'Talkin' Hawkin' del primer discu de Pink Floyd en 20 años, que va llegar el 10 de payares col títulu de 'The Endless River'.

   La voz electrónica d'Hawking yá apaeció n'otru cantar del grupu, 'Keep Talking', perteneciente al discu de 1994 'The Division Bell'. De les sos sesiones precisamente surdió'l material de 'The Endless River', convenientemente actualizao.

   Y ye que'l conteníu del álbum básase nes sesiones del hasta agora últimu trabayu de la banda, 'The Division Bell' (1994), nel que participaron David Gilmour, Rick Wright (fináu en 2008) y Nick Mason.

   Nel 2013, David Gilmour y Nick Mason volvieron escuchar la música d'aquelles sesiones que nun llegó a publicar, y decidieron qu'había material p'actualizalu y ellaborar tou un nuevu discu.

   Encabezaos por Gilmour y Mason, los músicos pasaron l'últimu añu grabando y actualizando los cantares, utilizando les meyores tecnolóxiques surdíos mientres los dos últimes décades pa crear 'The Endless River'.

   Esti nuevu discu ye, poro, un tributu a Rick Wright, dao que los sos teclaos tienen una importancia capital nel soníu de Pink Floyd. El so conteníu ye principalmente instrumental, anque cuenta con un cantar, 'Louder Than Words', con lletres de la muyer de David Gilmour, Polly Samson.