Madrid (E.P.) .-A los sos 76 años Ridley Scott paez nun tener nin un minutu que perder, col estrenu de 'Exodus: Dioses y reyes' cada vez más cerca, el director confirmó tener llistos los guiones de les secueles de 'Blade Runner' y 'Prometheus', asina como'l so siguiente llargumetraxe 'The Martian'.

   Nuna entrevista con Entertainment Weekly, el director faló sobre 'The Martian', el so siguiente proyectu, una película de Ciencia Ficción que va tar protagonizada por Matt Damon y básase na novela d'Andy Weir.

   'The Martian' sigue los pasos de Mark Watney, un astronauta que queda varáu nel espaciu. "Ye bien bona novela, ta rellacionada con Robinson Crusoe, si quedares aislláu, ¿Cómo sobreviviríes?" comenta Scott sobre esti proyectu que, según diz, va rodar en Budapest.

   Dempués de 'The Martian', Scott va ponese al mandu de la secuelea  de 'Blade Runner', un proyectu pal qu'escribió'l guión Hampton Fancher y según palabres del que dirixera la cinta orixinal "ye realmente bonu".

   Scott tamién faló sobre Harrison Ford, protagonista de la primer entrega, y apuntó que la segunda entrega "va tar rellacionada" con él dao que ye "un gran sobreviviente", y más agora, dempués de la lesión que sufrió mientres el rodaxe de Star Wars VII.

   Pero'l director tien otru llargumetraxe en desarrollu, la secuela de 'Prometheus', de la qu'afirma tener "llistu" el guión, un proyectu que va tar protagonizáu por Noomi Rapace y Michael Fassbender.

Ridley Scott by Gage SkidmoreCC BY-SA 3.0/Wikipedia.