La presentadora de la televisión Russia Today (RT) en Washington, Liz Wahl, dimitió esti miércoles en directo y aseguró que nun pue formar parte d’un canl que “encubre” les acciones del gobiernu presidíu por Vladimir Putin n’Ucraña.

Los responsables de la cadena calificaron güei como un “actu d’autopromoción” la renuncia de Wahl, que se convertía asina na segunda trabayadora de RT en criticar abiertamente al gobiernu rusu. “Nun pueo ser parte d’una cadena financiada, pol gobiernu rusu qu’encubre les acciones de Putin”, afirmó Wahl.

La periodista, ciuadadana estadounidense d’oríxenes húngaros y filipinos, desplicó tamién n’antena que’l so trabayu como reportera de RT suponía-y “obxeciones étiques y morales”.

El llunes, otra presentadora de la cadena financiada por Moscú denunció en directo les acciones militares del Executivu rusu en Crimea, pero Wahl fue inda más llueñe y dimitió delantre de les cámares. “Toi arguyóse de ser estadounidense y creo en defender la verdá y por eso, depués d’esta emisión, voi dimitir”, aseveró la presentadora.

Wahl desplicó que los sos güelos emigraran d’Hungría a los Estaos Xuníos en 1956 pa escapar de les fuerces soviétiques. Demientres la periodista anunciaba la so renuncia, podía lleese en pantalla un cartel nel que la RT referíase al nuevu gobiernu como ultranacionalista.

Foto: Youtube