L’anulación del anteproyeutu de la Depuradora del Este de Xixón pon de nueu n’evidencia'l caciquismu del anterior gobiernu PSOE-IU y el so despreciu a la llegalidá y a los vecinos.

Andecha Astur quier felicitar públicamente a los vecinos d’El Pisón gracies a cuyu esfuerzu consiguieron l’anulación de la depuraora pol TSJM. Una vuelta más, ye la iniciativa de los vecinos la que ye a aparar ún de los desmanes de l’anterior corporación de conceyu PSOE-IU, cuya ansiedá especulativa, despreciu a la opinión de los ciudadanos, y en postrer términu de la mesma llegalidá vixente, lleva a Xixón a una situación na que tenemos una depuradora, una regasificadora y el mesmu Plan Xeneral d’Ordenamientu Urbanu anuláu pola xusticia.

Sederí mester conocer cuantu mos cuesta a los vecinos de Xixón la sanción que la X.E. mos impón añu tres añu po nun tener iguao la depuración de la mitá este de la ciudá, comu obliga la llexislación europea.

Pero lo que ye más grave entá, ye que los vecinos de Xixón temos pagando nel recibu la E;A el canon d'un saniamientu que nun se rializa.

Dende Andecha Astur considERAMOS qu’esti nueu varapalu xudicial en Xixón, sumáu a los anteriores, tien de ser analizáu na mesma llinia qu'el Casu Riopedre, el Niemeyer, el PGOU de Llanes, el marafundiu de los Fondos Mineros, o’l ensin xacíu de l’alcaldía de Cuideiru, por citar dellos casos, y son espeyu de la política de caciquismu y corrupción xeneralizada que'l PSOE llevó a cabu n'Asturis y cuyes consecuencies sufriremos demientres munchu tiempu los asturiano..