La crisis golpea duramente los premios lliterarios, por más que tenga el prestixu del Teodoro Cuesta de Poesía, ún de los más veteranos del panorama lliterariu asturianu, pero tamién ún de los de más grande prestixu dientru de les lletres asturianes, yá que lu ganaran dellos de los autores más señeros d’Asturies, como Berta Piñán, Xuan Bello, Lurdes Álvarez, Antón García, Vanessa Gutiérrez, Pablo Antón Marín Estrada, Marta Mori o Xuan Santori.

Un premiu qu’empezó va 23 años y que caltivo hasta va dos ediciones una cuantía económica de 4 mil euros, que se vieron reducíos a 2 mil na pasada edición y qu’esti, ante l’ausencia de la Conseyería de Cultura na collaboración, desciende a mil euros. Queda, asina, como únicu patrocinador del Premiu l’Ayuntamientu de Mieres, al traviés de la Casa de Cultura Teodoro Cuesta.

Los autores que quieran presentase tendrán de facelo ente’l 9 de payares y l´’ultimu día del mes, dirixendo los sos escritos a Información de la citada Casa de Cultura, na cai Manuel Llaneza 8, de Mieres del Camín. El xuráu reuniráse a primeros d’avientu y el so falle comunicárase, como nes ediciones anteriores, enantes de la Navidá.

Tolos ganadores anteriores vieron publicáu’l so llibru. Tase a l’aguarde de la presentación de los llibros de los dos últimos ganadores, Elías Veiga y Ángeles Carbajal.