La reordenación del sistema financieru español acaba de traer consigo la desconfianza del cliente particular. Un sector, el bancariu, nel que la clientela, hasta agora, tenía una confianza ciega. Pero, anguañu, cuando la entidá de tola vida vese públicamente que trabayó mal y que, arriendes, engañó al cleinte con dalgún productu, la pérdida de confianza ta servida y el recuperala va ser dalgo difícil, cuando non imposible.

Asina, la reordenación bancaria coles sos fuciones, compres o absorciones fizo un doble efectu nel nuestru sistema financieru: reducción considerable d’entidaes y aparición d’otres, principalmente foranes, que ven un ñeru de mercáu nel sistema financieru español.

Con ello, munchos clientes tan optando por buscar alternatives n’entidaes nueves n’España, yá que nun se fíen de lo qu’había hasta agora. Buscando ente les entidaes que podudiéramos llamar amigablemente “rares”, tenemos les siguiente operando yá n’España:

-ICBC Bancu Industrial y Comercial de Xina. Curiosamente, el más grande bancu del mundu por capitalización de mercáu. La primer sucursal abrióla en 2011.

-Bancu Pichincha. Ye’l más grande bancu priváu, por capitalización y númberu de depositantes nel Ecuador. Cuenta con 15 oficines n’España.

-Bancu Finantia Sofinloc. Ye español, d’orixen portugués y cuenta con más de venti años d’experienca. Pero nun posee oficines abiertes como la banca tradicional.

-Bancu Mediolanum. Pertenez a un grupu que lleva dende 1983 dedicáu al asesoramientu de patrimonios. Realiza’l so trabayu más en base a despachos d’asesores.

-Novanca. Trátase de la xuntanza de varies caxes pa crear un bancu y ubícase físicamente nel sur de la Comunidá de Madrid.

-Targobank. Ye una entidá financiera creada pol Grupu Bancu Popular y el Groupe Crédit Mutuel-CIC. Ye mui nuevu operando n’España.

Y, a toes estes que podríamos denominar rares tendíen d’amestase aquelles que tien mui reducíu l’ámbitu xeográficu d’actuación, como les Caxes Rurales. Son los casos de la Caixa Rural d’Algemesi, la Caixe Rural de Callosa d’En Sarria, la Caixe Rura de Turis o la Caixa Rural de Albal, ente bien d’otros exemplos. En bien de casos, cualaquiera d’estes entidaes presenta meyores ratios que les entidaes conocíes a nivel nacional, a pesar de la so supuesta rareza.