El departamentu de Cultura inicó los trámites pa declarar el Clautru de Mas del Vent, en Palamós, bien cultural d’interés nacional na categoría de monumentu hestóricu. L’empiezu de la tramitación del expediente publicóse esti miércoles nel Diariu Oficial de la Generalitat de Cataluña.

El conxuntu arquitectónicu provién del barriu madrilanu de Ciudá Lineal y fue reconstruyíu pieza a pieza en 1950 dientro de la finca privada na que s’alluga anguañu, nes afueres de Palasmós.

Nel mes de xunetu de 2012 un grupu d’especialistes convocaos pola Generalitat dictaminó que’l Claustru, llueñe de ser románicu na so totalidá, ye una recreación del sieglu XX y namás caltién unos pocos elementos orixinales. Sicasí, dos xeólogos opusiéronse a estes conclusiones.

El departamentu de Cultura notificó a los propietarios del Claustru y al Ayuntamientu de Palamós l’entamu de los trámites. Una vez realizaos, va abrise un periodu d’información pública nel que se van poder presentar alegaciones. La declaración de bien cultural del Claustru va comportar la prohibición de parcelación, edificación o derribu de la zona afectada. Con too, el departamentu de Cultura podrá autorizar la realización de les obres que manifiestamente nun perxudiquen los valores culturales del bien.