La especialidá del masaxe tailandés ye un tipu de práctica enforma poco difundida nel nuestru país, pero que ye interesante de prebar –por más qu’una suerte de mala reputación vincule esta modalidá de fisioterapia a la prostitución, dalgo que nun ye cierto siquiera nel so país d’orixen.

Paga la pena, salvando esos complexos, facer la preba al menos una vez. La experiencia ye deliciosa, interesante, prestosa, holística. Esti tipu de masaxe nun se suel dar nos centros especializaos d’Asturies y aquellos que busquen esperiencies d’esti tipu tienen d’aprovechar la llegada de dalgún especialista a los centros esistentes.

A simple vista, trátase d’una técnica ancestral de masaxe que combina movimientos tanto suaves como intensos, asina como seles como la dixitopresión sobre les llinies d’enerxía del cuerpu, y otros más burdos como estiramientos y presiones palmares y plantares, delles vueltes con movimientos mui asemeyaos al yoga. Pero, pa bien d’ellos de los sos usuarios, ye una experiencia que xenera una atmósfera meditativa y espiritual. Esti masaxe considera non solo’l contactu físicu col paciente, sinon la necesidá de tresmitir felicidá y paz. Produzse asina tala sinerxa que beneficia non solo al receptor del masaxe sinon tamién al que lu brinda.

Surde na India de la dómina de Buda, alredor de va 2.500 años. El so fundador fuera l’indiu Shivagakormapaj, que yera médicu de la comunidá de Buda Gautama. Él tenía’l conocimientu de les técnicuqes de masaxes coles que se trabayaba na medicina ayuvédica, l’usu de plantes medicinales y el yoga. Pero, los sos oríxenes remóntense enforma más atrás, de la qu’empezaba asentase la etnia thai, un pueblu orixinariu del suroeste de Xina que llevó con él los conocimientos acerca de los meridianos d’acupuntura. Nesti procesu sucédese de manera natural una mecedura ente les dos medicines orientales, xestándose una práctica médica singular, col masaxe tailandés como productu únicu de la cultura tailandesa.