Rita Barberá tuvo en cuestión dende que se produxo la Operación Taula, na provincia de Valencia, que descubrió una supuesta rede de comisiones sobre la empresa Imelsa y sospeches de blanquéu, poles que ta investigándose a 9 de los 10 conceyales del Partíu Popular nel conceyu de la capital valenciana. Resultaron deteníos amás la secretaria del Grupu y tesorera, Mari Carmen García Fuster y l'expresidente del PP na provincia de Valencia, Alfonso Rus.

   Les dudes acurriéronse sobre ella anque, pel momentu, nun tien la calidá de "investigada" nel procedimientu que ta siguiéndose nel Xulgáu d'Instrucción númberu 18 de Valencia.

   Por ello, los sos propios compañeros de files pidiéron-y, primero que diera esplicaciones y dempués que "d'un pasu atrás". Fízolo'l vicesecretariu d'Organización del PP, Fernando Martínez-Maíllo, qu'aseguró que ye Barberá la que "tien que dar les esplicaciones correspondientes".

   Y tamién les pidieron en díes pasaos lo mesmo la presidenta de la Comunidá de Madrid, Cristina Cifuentes, como la presidenta del PP de Madrid, Esperanza Aguirre, que pidieron a la exalcaldesa que renunciara al aforamientu que-y daba'l Senáu.

   "Nun sé si'l problema ye Rita Barberá o non, pero paez evidente que nel PP de Valencia hai que facer una rexeneración dafechu y completa", defendió Cifuentes, qu'almitía que-y daba "verguënza" llevantase peles mañanes y ver que detuvieron a daquién acusáu de corrupción.

   Y esta mesma mañana l'expresidente de la Comunitat Valenciana Alberto Fabra caltenía n'Antena 3 que ye "difícil creer" que l'agora senadora Rita Barberá nun supiera nada de lo qu'asocedía nel so grupu municipal cuando "el so entornu" ta investigáu na operación.