Nuna entrevista esti xueves en Catalunya Ràdio recoyida por Europa Press, propunxo "trés o cuatro perfiles que tengan un pesu equivalente" y qu'emitan una señal tresversal y que se democraticen les instituciones.

   "Tenemos na cabeza quién pue presidir esti Govern escepcional", apuntó, anque dixo que la CUP nun punxo tovía nengún nome sobre la mesa.

   Sicasí, criticó que cuando s'embaraxen candidatos nun se valora abondo la opción de que seya una muyer: "Pásase del númberu unu [de la candidatura] al trés, y del trés al cinco porque saltamos les muyeres".

   Gabriel alvirtió qu'hai "muyeres bien capacitaes y que simbolizaríen que se ta faciendo daqué realmente nuevo".

ACUERDU CON JxS

   Sobre si van acabar llegando a un acuerdu con Junts pel Sí, llamentó qu'a la CUP presupónse-y menos voluntá de llegar a pactos de la que tien: "tenemos tola voluntá d'entendimientu", recalcó.

   Nesi sen, criticó que se ta poniendo'l focu sobre ellos pa forza-yos a aceptar a Artur Mas como presidente, lo que definió como una presión asediadora de que'l "procesu descarrilará" pola so culpa.

Foto: CATALUNYA RÀDIO