El Centru Niemeyer inaugura esti vienres, 17 de xineru, el Circuitu de Cine Independiente cola película 'Museum hours'. Esti circuitu ye una rede de sales d'exhibición audiovisual en centros culturales, que naz por que'l públicu esfrute de películes calidables de festivales internacionales y que nun tienen distribución nes sales d'exhibición españoles, según informó'l Niemeyer al traviés d'una nota de prensa.   'Museum hours' va ser el primeru de los trés títulos que se van ufiertar esti trimestre dientro del circuitu. El vienres, a les 20.30 hores, el públicu va poder ver esta cinta de Jem Cohem, un relatu so la inesperada amistá ente Johann, un guardia del Muséu d'Hestoria del Arte de Viena, y Anne, una muyer canadiense que llega pa curiar a la so prima n'estáu de coma.