Los homes con voz grave y ronca, como la del cantante Barry White, atraen más a les muyeres que los de tonu chillón y agudu, según un estudiu publicáu na revista británica Personality and Individual Differences. D’alcuerdu con esti informe al cargu d’expertos canadienses, los homes con voz varonil, de tonu baxu, son meyores atrayendo a les muyeres, pero tamién más propensos a la infidelidá y poco aptos pal matrimoniu.

Los autores utilicen como exemplu la voz grave, fonda y ronca del cantante estadounidense de soul Barry White que, si bien nun diba ganar la partida a la voz chillona de David Beckham nel tarrén de la seducción, tamién diba xenerar más desconfianza ente les fémines.

Pa realizar l’estudiu escoyóse una amuesa de 87 muyeres que sintieron voces masculines, manipulaes previamente pa que sonaran más graves o más agudes, y depués elixeron les d’aquellos qu’imaxinabel más propensos a ser infideles y les qu’alcontraben más atractives pa tener una relación. Les voces graves resultaron ser les más atractives pa les encuestaes, pero tamién fueron les qu’asociaron con homes infideles.