La Sociedá Humanitarios de Samartín de Morea (Ayer) convoca ´l XI Concursu de Monólogos, que tendrá que s`axuntar a les bases que vienen darréu:

1.- Puen participar toles persones interesaes, col númberu de trabayos que-yos pete.

2.- Premiaráse con 400 E. aquel monólogu, ensin asoleyar qu´a xuiciu del xuráu presente más valir lliterariu. El premiu podrá repartise o quedar ermu. L´actu d´entrega del Premiu va formar parte de los actos inxeríos dientru les VIII Xornaes Culturales dedicaes a l´alcordanza de Joaquín Rodríguez Muñiz, que se celebrarán ne´l mes de xunetu.

3.- El monólogu tendrá que tratar d´un tema d´actualidá social, política y cultural.

4.- La obra podrá ser en versu o prosa; tendrá que tar en Llingua Asturiana y valoraráse la correceición llingüística y gramatical, asina como ´l so caráuter normalizador del idioma.

5.- El llargor de los trabayos tendrá de ser d´un máximo dde cinco folios, en prosa, o entre 150 y 250 versos.

6.- El plazu d´entrega de los monólogos fina ´l 16 d´abril de 2014 y tienen que se mandar a estes señes: HUMANITARIOS DE SAMARTÍN, apartáu correos 8, 33670 MOREA (Ayer-Asturies). Cada trabayu tien que dir num sobre zarráu, ensin remite, col orixinal y tres copies, y amás, dientro ´l sobre habrá otru sobre onde se conseñen los datos del/a concursante.

7.- El resuláu de la decisión del xuráu va notificase.yos al autor -o autores- del trabayu premiáu.

8.- La obra premiada tendrá que se ller o interpretar nel actu d´entrega del premiu.

9.- Les obres premiaes son propiedá d´humanitarios. Los monólogos non premiaos nun se van devolver. Sicasí, l ´autor pue facer l ´usu que considere más amañosu.

10.- El xuráu escoyeráse entre persones cualificaes. Un miembro de Los Humanitarios fadrá de secretariu, con voz y voto. Les decisiones del xuráu nun se puen retrucar.

11.- El participar nesti concursu lleva inxerío acéutar dafechamente les bases d´esta concocatoria.