La razón de la non representación de La Traviata estes últimes décades na Scala de Milán orixínase a partir de les 17 representaciones que d’ella ficiera la mítica soprano griega María Callas, en 1955, baxo la dirección de Luchino Visconti. Una actuación memorable na que la Callas, al final del primer actu, quitó los zapatos y prosiguió nel so papel de prima donna colos pies coritos frente a una platea atacada que la sentía absorta.

Una década depués, en 1964, la dirección del teatru decidió presentar de nuevo La Traviata, esta vez protagonizada pola italiana Mirella Freni y dirixida pol austriacu Herbert von Karajan, qu’acabaron la función custodiaos pola policía y sufriendo los insultos y les agresiones del públicu.

D’aquella p’acá nun tornó sonar La Traviata nel Teatro della Scala durante 26 años hasta que, en 1990, el maestru napolitanu Riccardo Mutti rompió’l tabú y representó esta obra, protagonizada pola soprano italiana Tizinana Fabbricini.

Asina, el teatru milanés convertiráse de nuevo na capital mundial de la ópera cola inauguración de la so célebre temporada lírica, con La Traviata baxo la batuta del italianu Daniele Gatti y la puesta n’escena del afamáu director rusu Dmitri Tcherniakov. Esta representación coincide colos actos de segundu centenariu del nacimientu del so auto. Giuseppe Verdi, del que tamién se van representar esta temporada “El trovador” y “Simón Boccanegra”, xunto a “Cosi fan tutte”, de Mozart, y “Elektra”, de Richard Strauss. La encargada de dar vida a Violeta va ser la soprano alemana Diana Damrau, dimientres que’l namoráu d’ella va tar al cargu del tenor polacu Piotr Beczala, que yá se ganara’l favor del públicu italianu en 2006 cola so representación de la tamién verdiana “Rigoletto”.

.PHOTO CREDIT - Richard Termine