Mieres.-El grupu Cerezal ta acabante de finar un nuevu proyectu dientro del panorama folk asturianu.Tres unos meses trabayando un repertoriu y soníu orixinales, por fin van presentalo en sociedá, esti próximu 21 d'avientu de 2013
"Esi mesmu día vamos presentar el nuesu primer EP, que consta de cinco pieces. Vamos ufiertar, amás d'esos, otres seis pieces más, tantu les unes como les otres composiciones del
grupu y arreglos a partir de temes tradicionales".
Con un formatu de folk acústicu, en CEREZAL quieren dar muncha presencia a la voz, con una gran mayoría de temes cantaes, cuidaes lletres de composición y de dellos autores de sonadía dientro de la lliteratura asturiana contemporánea, nun acercamientu ente'l folk y el pop. Amás de la voz, la sección melódica ta compuesta por flauta, gaita, whistle y violín,soportaos nuna potente base rítmica creada a partir de la guitarra y el set de percusión.
La cita ye en Mieres, nel Auditoriu de la Casa de Cultura Teodoro Cuesta, a les 20:30 hores el sábadu 21 d'avientu.
Pa saber daqué más sobre Cerezal podéis visitar los sos rincones n'internet (Facebook, Twitter, Wordpress..). Cuidao que llueu van dir ampliando (tamos trabayando nel agospiamientu d'audiu ya imaxes) decidieren
centralizalos toos nun solu site. Podéis aportar a www.about.me/cerezal y dende ellí decidir qué xoriles queréis visitar.
