L'Academia del Cine Asturiano va participar nel II Alcuentru d'Academies de Cine d'España y Portugal que va tener llugar esti próximu llunes 11 de febreru en Zaragoza.

   Van dir al alcuentru  coles mires d'establecer llazos y compartir esperiencies coles qu’arriquecer toles aiciones que ta llevando a cabu esta Academia col fin d'ameyorar la creación cinematográfica n'Asturies. Nesti II Alcuentru d'Academies del Cine d'España y Portugal van tar presentes en representación de l'Academia del Cine Asturiano la nuesa vicepresidenta Marisa Vallejo y  Graciela Mier.

   L'Academia del Cine Asturiano naz en 2018 col propósitu de la meyora de les creaciones cinematográfiques asturianes apoyándose de primeres en trés pegollos fundamentales y prioritarios:

     * 1.      Identificar el cine asturiano y toes aquelles persones que participen del mesmu, dende dirección, producción, actoral o llabores técnicos bien sía nel mesmu territoriu asturianu o fuera de les sos fronteres.
     * 2.      Axuntar a tol sector buscando puntos d'alcuentru y faciendo de l'Academia la casa de toos.
     * 3.      Dignificar el Cine Asturiano, al traviés de la reconocencia del cine y los sos profesionales, realizando para ello un llabor d'espardimientu y pedagoxía énte'l públicu y les instituciones.